Cadernos Bibliotelleiras.

Preséntovos o último número dos Cadernos Bibliotelleiras no que vos fan suxestións de lecturas. Este mes a cousa vai de ciencia. Estas son as suxestións do noso amigo Quique (Profesor de Bioloxía):

Con este libro, E.P.Fischer consegue espertar a curiosidade do lector pola ciencia e os seus grandes protagonistas. Mediante un esbozo dos retratos fálanos de Aristóteles, Leonardo, Copérnico, Bacon, Keple, Descartes entre outros e faino de xeito riguroso e sinxelo.

Neste libro, Francisco Teixidó Gómez, cunha escritura elegante e amena, consegue integrar a xenética en aspectos diversos da bioloxía doser humano, dende aqueles puramente relacionados coa saúde ata os que teñen compoñentes ambientais e sociais.

Neste libro, Francisco Vinagre quere achegar os coñecementos relacionados coa ciencia e a tecnoloxía, que se deron dende os tempos máis remotos da lendaria Grecia ata principios do século II a.C. Trátanse aspectos como: a medicina, agricultura, construcción de barcos...

Xurxo Mariño lévanos a poñer os coñecementos ao alcance de cade que

empregando palabras cotiás, exemplos accesibles, nunca baixando no rigor científico nin no nivel do coñecemento.

Salpicada polo humor de Xosé Lois, esta obra é unha viaxe ao mundo físico e biolóxico no que vivimos, un mundo gobernado polo azar dos dados lanzados por un reloxeiro chamado evolución.

Nel, Bodanis conta a historia do progreso a través da historia do descubrimento da electricidade. Dalle á historia da electricidade un contexto máis amplo, que permite ver como cambiou o mundo e a sociedade ao ritmo dos descubrimentos. Escribe a historia de forma apaixoante, con Faraday, Hertz, Bell e outros como persoaxes reais, cos seus éxitos e fracasos, cos motores do seu ánimo ( o amor, a envexa, a necesidade...), coas aventuras das guerras mundiais de fondo ou coa traxedia homosexual de Turing (qué horrible final tivo o xenio que polo ano1973 xa sabía como era o computador dende o que escribimos hoxe).